محاشي

محاشي 

((محشي كرنب ))

نحتاج الى :

حبة ملفوف متوسطه

كاس ونص رز مصري مغسول ومنقوع

بصل مفروم /ثوم مفروم/طماطم مفروم 

كزبره وشبت مفرومه 

نصف كاس عصير ليمون /نصف كاس زيت زيتون 

البهارات : 

كمون وكزبره وملح وفلفل اسود 

الحشوه:

تكشنين بصل وطماطم الى ان يذوب الطماطموتحطين عليها ماجي مكعبات 

وكمون وكزبره ناشفه وملح وبعدين تحطين كاس ونص رز مصري مغسول ومشخول 

وتحركينه فيها وتضفين لها ربع كاس عصير ليمون وربع كاس زيت زيتون 

وتحركينها الى ان يشرب الرز كل الليمون وتطفين عنها وتضيفين عليها شبت

الطريقه : 

تجمدين حبة الملفوف قبلها بيومين

تطلعينه من الليل الى ان يفك من الثلج

تشيلين القاعده اللي من تحت كلها تفككين الاوراق 

عن بعض تغسلينها تشلين العرق القاسي اللي في الورقه

تقسمين كل ورقه الى اربع اوراق على قد الكف

تحشينها بالحشوه وتلفينها رول وتقصين الزوايد

منها وتصفينها على الصينيه

الصينيه طبعا مصفوف فيها بصل شرايح بطاطس شرايح

وثوم شرايح وفلفل حار شرايح 

ومرشوش عليها كمون تقريبآ ملعقه كبيره (ضروري ترشينها بالكمون علشان الملفوف

يسوي نفخه في البطن والكمون يلغي هالنفخه 

السقو بطريقتي :

المرق اللي تصبينه في الصينيه

ماء حار مذوب فيه ماجي وملح وصلصة ونص كاس عصير ليمون 

وربع كاس زيت زيتونالى ان يغطي الكرنب وتلفينه بالقصدير زين 

وتخلينه الفرن لمدة ساعه ونص او ساعتين على حسب فرنك

السقو اللي استخدمته اليوم 

بطريقة أخرى 

في الخلاط تحطين كزبره ونعناع 

وثوم وليمون وزيت زيتون 

وماء حار وفلفل اسودوملح 

وكمون مكعب ماجي ورشة ملح ليمون فلفل حار 

( انا استخدمت بارد وزدت عليها صلصه طماطم )

وبالعافيه

ورق عنب 

بحط لكم طريقتي في ورق العنب وأنا متاكده ان كل وحده لها طريقتها في 

ورق العنب بس قلت أعرضها لكم من باب الافاده

المقادير :

علبة ورق عنب العلالي 

2كاس رز مصري مغسول ومنقوع 

بصله مفرومه ناعم 

طماطم كبيره مفروم ناعم 

7فصوص ثوم 

حزمه كزبره مقطفه ومغسوله ومفرومه 

حزمة بقدونس مقطفه ومغسوله ومفرومه

نصف حزمة نعناع مقطفه ومغسوله ومفرومه

يمكن أضافة قليل من الشبت بس ماحطيت اليوم 

كاس عصير ليمون 

نص كاس زيت زيتون 

ملح 

ماجي ابيض 

بهار حلو بطريقتي 

اخلط شوي من حبوب البهار الحلو وحبوب الهيل وحبوب الفلفل الاسود

وشوي من أعواد القرفه وتطحن في الطاحونه وننخلها في منخال ناعم 

ونستخدمها في الحشوه

**حبوب البهار الحلو واضح شكلها في الصوره مع باقي البهارات 

هي زي فلفل الاسود بس أكبر حجمه واذ طحنها مافيها حراره زي الفلفل 

ونكتها طيبه جداً مع ورق العنب والمحاشي والكبه اخذه من شارع في السلمانيه

في الرياض مختص باغراض وماكولات الاخوان السوريين والاردنين والفلسطينين 

الطريقة :

نغسل اوراق العنب من المواد الحافظه ونقطع العرق الصغير فيها 

ونتركها في صفايه تتصفى من الماء

نضع في قدر قليل من الزيت ونضيف عليه البصل ونحركها الى ان تذبل 

نضيف فصين ثوم مفرومه ونحركها قليلً

نضيف عليها الملح والماجي والبهار الحلو 

نصفي الارز ونضيف ونقلبه 

نضيف عليها نص كمية عصير الليمون ونص كمية زيت الزيتون ونحركها 

على النار الى ان تتشربها بالكامل 

نغلق عنها النار ونتركها تبرد 

بعد ان تبرد تمامً نضيف عليها الورقيات كلها ماعد النعناع 

اضيف نصف الكميه فقط ونحركها بعد نضيف الطماطم المفروم 

ونحركها 

نحشي حبات ورق العنب بطريقة المعروفه كما في الصوره 

نضع بطاطس شرايح في قاع القدر ونصف عليه ورق العنب بالترتيب 

نجهز السقو ؛

باقي عصير الليمون وزيت الزيتون 

وملح وماجي ابيض وبهار حلو 

وثوم شرايح والباقي من النعناع المفروم 

وكاسين ونصف ماء مغلي 

لازم يكون مستوى السقو مساوي للورق العنب لاني ابي استخدم قدر الضغط 

ولايحتاج لكميه كبيره من الماء 

ام في حال القدر العادي كمية الماء تختلف لان مدة الطبخ اطول 

واضغطه بصحن سراميك واغطيه 

واحسب له من بعد دوران الصفاره 30 دقيقه بالضبط 

وافتح واتاكد من نضوج حبات ورق العنب وارجع اغطيها 

واخليها ترتاح بدرجه حراره الغرفه الى ان تبرد 

وبعدها ادخلها الثلاجه لليوم الثاني علشان 

نتفادى اللون الاسود لحبات ورق العنب 

للمعلوميه : يمكن الاحتفاظ فيه اسبوع كامل 

في الثلاجه دون ان يتغير