الجمعة، 14 يونيو 2013

العزومة





قبل فتره كانت عندي عزيمه للرجال كانو بحدود (18شخص ) مشاء الله لاحول ولاقوة الا بالله 
والحمدلله عدت 





هنا السفره مجهزتها من بدري و علشان عيالي الله يخليهم لي 
او شغاله الله يخليهالي بعد  اذ جابو لي صحن وعبيته يرجعونه في نفس مكانه 
((وفي هالصوره كنت حاطه السفره الطبليات الل تكون زي الطاوله منخفة 
الارتفاع تقريبا ارتفاعهاعن الارض 25 سم ومفصلتها من حدود الل5 سنوات 
عند النجار طولها 3 امتار وعرضها متر ونصف وهي مفصوله عن بعض علشان 
نقدر نشيلها ونخزنها الى وقت الاستخدام وهي اريح في الاكل من السفره الارضيه
اللي لازم ينحي اللي ياكل منها للاكل
اومن طاولة الطعام اللي يتضايق منها البعض لانها تقيد حركاتهم 
حطيت الغطاء وفوقه قماش زي الشبكة فضيه 
وعليها طبعاً زي السفرة البلاستيكه الحاميه للاقمشة من الاوسخه 
طبعاً في على السفره تكفي ل14 شخص وتشيل اكثر الى 18 
بس انا اكتفيت ب14 علشان ياخذون راحتهم 
وكل شخص صحن تقديم كبيير فوق صحن الشوربه والمقبلات وفوقه صحن الشوربه 
ومنديل لافة فيه بهالترتيب سكين فوقها ملعقه فوقها شوكه برمت عليها المنديل 
من الزوايه بعدين مسكتها بالمسكه تبع السفره 
وحلات السفره تكون مواعينك نفس الطقم غلط غلط يكون الصحون مرقعه 
لانها تلغي جمال السفره 
والترتيب بشكل هندسي وسلس للضيوف حاجه مهمه لا نغفل عنها 
الحلويات والعصيرات يفضل ان تكون على طاولة جانبيه 
والرجال افضل يكون الحلا في كاسات لان عدوهم اللدود تقصيص الحلا 
بعكس عزايم الحريم احط لهم الحلويات في قوالب كبيييير وهم
يقصصون لنفسهم 
وبس العزيمه لعدد كبيير من الاشخاص قد تكون مرعبه للبعض بس 
صدقوني بالتخطيط والتنظيم يمكنك انجازها حتى وجود الشغاله 
مايكون ضروري اذ استخدمتي وقت الشغل الصحون البلاستيك 
والله ياكثر العزايم اللي سويتها وبعضها اكون حامل وماعندي شغاله 
وبعضها عندي طفل صغير وهذا هو العذاب بعينه  
بس الحمدلله صبرنا ونلنا الشغالات الله يسخرهم لنا ويكفينا شرهم ))
الكلام اللي بين قوسين للبنات اللي على اول عتبات الطبخ علشان 
ابث في انفسهم الهمه والاصرار ولايستهينون بانفسهم 
وانا مستعده للمساعدتهم في اي لحظه

أطباق العشاء 





رز بالريش المشويه





الكسكسي بالحم والخضار




ماسالا دجاج

طريقتها موجوده في هالموضوع


كفته بصوص الشاتني



سترغونوف باللحمه




ربيان صيني 





ورق عنب



جاهز من المطعم


سلطة الجرجير مع النعنع الطازج


ضمة جرجير
بندورة شيري
خيار
بصلة صغيرة مقطعة شرائح
نعنع طازج نصف كوب

التتبيلة : 
عصير ليمونة وزيت زيتون 4 م ك وملح
رشة سماق وملح للبصلة
في طبق التقديم نفرم الجرجير خشن ونفردة كطبقة اولى 
ثم نقطع البندورة والخيار ونوزعهم فوق الجرجير
نفرم النعنع فرمة خشنة ونرشة على السطة
اما بصل فنقطعة شرائح وندعكه قليلا بالسماق والملح ونضيفة على السلطة
نخلط مكونات التتبيلة مع بعض ونضيفهم على السطة وصحة وهنا



فيليه السمك المقمرش



وكان فيه شوربه بيضاء بالدجاج والكريمه 
وشوربه حريره 
بس للاسف نسيت اصورها من العجله


جميع وصفات اطباق العزيمه تحصلونها في موضوعي السابق 






هذا ركن العصيرات والحلويات 
كان انواعها 
عصير ليمون بالنعناع 
واصفهاني 
وشمابينا سعودي 

اما الحلويات 
كاسات السميد البارد 
كاسات ترافيل التوت 
كاسات تشيز الاوريو 
كاسات تشيز الرد فليفت 
كريم بورليه







هذي هي الطبليات على الطبيعه 
للي طلبو يشوفونها 
شوف شلون مفصوله كل متر ونص لحاله 
والارتفاع واضح في هالصوره 
وهنا المدرجات 
زي البوكس مدرج طبعا مفصول عن بعض 
احطه على هالطاوله والفه بالقماش
وبس
وبالنسبه للتفصيل استخدمت خشب ماليزي 
ومشاء الله قوي ويتحمل عيالي يستخدمونه ستيج للمسرحياتهم محللينها من قلب 
ويطامرون عليه ومشاء الله ماتاثرت الخشب 
سعرها كلفتني 500 ريال بس ايام الرخص الكلام هذا قبل 5 سنوات





فيه بنات يسالون شلون نحافظ على حرارة الاكل 
ومتى تقديمه علشان مايبرد 
الصراحه كنت انزنق زنقه مالها داعي من زمان وقت التقديم
كانت اخذ وقت اكثر بحدود الساعه ونصف 
احمي وانقل للسفره وكانت مشكله بالنسبه لي 
بس الحمدلله من بعد ماربي سخر لي هالنعمه 
اللي هو ((السخان الحراري)) وانا مرتاااحه على الاخر 
اجهز شغلي في صواني التقديم واغلفها بالقصدير 
وادخلها فيه بعد المغرب وتبقى على حرارتها الى وقت التقديم سااااخنه جداً ل
ازم اتوقى عنها وقت الشيل كاني مطلعتها من فرن خلال ربع ساعه وانا مجهزه سفرتي 
بدون ماتحترق طبعاً تقعد بحدود ال12 ساعه الاكل فيها مايتغير ولا يضره وجربت 
هالشي في رمضان الله يبلغنا ايه انا وانتم والمسلمين في اتم حال لافاقدين ولامفقودين 
وتقدرين تشيل الفواصل والصواني اللي فوق وتاخذين راحتك في الصواني اللي تبنها 
للاسف نسيت اصوره لكم وهو مليان 
اخذته من الغيث للاجهزه الكهربائي على شارع العليا العام مقابل اسواق الاندلس 
ب 1650 
يقولون انه في الكويت ارخص ومتوفر من لونين ستل ستيل وخشبي 
الخشبي اغلى انا اخذته لانه ماشي مع اثاث بيتي ومهب واضح كاني درج عادي 
وسلامتكم أتمنى اني اقدرت افيدكم بالنقطه

هناك 10 تعليقات:

  1. ما شاء الله تبارك الله طبخك يفتح اانفس وأنا صراحه مبتدأه واحسه صعب ما شاء الله انتي من متى بدأتي تطبخين واش هو الشي اللي يحمسك للطبخ وابي اعرف انتي تقريبا كل اكلات ابتكرتيها

    ردحذف
  2. يعطيج العافية يالسنعه الله يحميج من العين ماشاءلله تبارك الرحمن

    ردحذف
  3. الله يحفظك ويحميك ويخليك لعين ترجيك يارب
    بارك الرحمن <3

    ردحذف
  4. الله يعطيك العافيه يا النشميه با بنت الهيلا

    ردحذف
  5. ماشاء الله تبارك الله
    صراخه ابدعتي تسم ايدك

    ردحذف
  6. ماشاء الله تبارك الله
    صراخه ابدعتي تسم ايدك

    ردحذف
  7. ماشاءالله الله يحفظكي من العين ويحميكي الله يوفقك اكثر واكثر وتعيشي وتعملي سفر اكبر للامانه مبدعه بكل ماتعنيه الكلمه من ترتيب من نظافة من شكل شكله نفسك في الاكل الصلاة ع النبي ����❤

    ردحذف
  8. ماشاء الله يعطيك ربي العافيه اتمنا لك مزيد من التقدم المستمروالتوفيق

    ردحذف
  9. ماشاء الله طبخك ممتاز وكمان السفرة تفتح النفس .. انا لو اسوي مثلك احتاج اسبوع ع ما اخلص كل ذا ههههههههه .. من جد كيف وفرتي وقت عشان تجهزي ؟ وخصوصا عند اطفال بالبيت ؟؟

    ردحذف