حــلويـــاتــي الجديده

كانت عندي مناسبات متفرقه وسويت فيها هالحلويات

طبعأ الصور ماعليها توقيعي
بس أتوقع بكره كم وحده سارقه الصورة وحاطه عليها توقعيها
بس ماقول الا أني تصدقت بشغلي ومجهودي لوجه الله سبحانه الله يكتب أجري


الاولى

كانت صينية حلويات مشكله

كان فيها حلا للاخت جنو اللي هو كرات الاربع نكهات



نحتاج لـ
كرتون كيك جاهز (بيتي كروكر)
ملعقة كبيره قرفه ناعمه
1/2 الى 3/4...ك شوفان
شوكلاته بيضاء سايحه
شوكلاته بالحليب سايحه..
الطريقه:
جيبي الكيك ...استعملي نفس كمية الزيت المكتوبه بالعلبه..
+ استعملي بيضه وحده ..
+ 50 ملل ماء
+ الشوفان + القرفه ..
أعجني لحد ماتحصلين عجينه شبيهه بعجين البسكويت..
كوريه وصفيه بالصينيه واخبزيه بحرارة 180 درجه
لمدة 10 دقايق...موب لازم يتحمر بس يتماسك ..
بعدين طلعيه وغطيه بالفوطه واتركيه يبرد..
بعدها..
غمسيه بالشوكلاته البيضاء...وعالثلاجه
بعد مايبرد غمسيه بشوكولاته بالحليب ...
وطبعا حطيه على قصدير او رق زبده وعالثلاجه..
وبالعافيه
بس رشيت عليه سباركلز ملون

اللي جنبه حلى الرافاليو بس مزينته بأعواد ملونه



حليب بودره نص كاس
قشطه نص علبه
بسكوت شاهي 1 باكيت
حليب نستله 1 علبه
جوز هند 2 كأس
فول سوداني 3 ملاعق
بندق حسب الرغبه


الطريقه
نطحن البسكوت لحد ما يصير مجروش
بعدين نحمس الحليب لحد مايصير لونه ذهبي
وبعدين نظيف القشطه+الفول السوداني +نص حليب نستله على البسكوت والحليب
بعدين نعجنهم لحد ما تتكون عندنا عجينه متماسكه
بعدين نكورهم ونجوفه من الداخل شوي ونضع البندق ونكورها
بعدين نغمسها بالحليب النستله بعدين الجوز
ونضعها بالبليسيه بمناقيش ملونه
وندخلها بالثلاجه لين وقت التقديم
وبالعافيه


حلاو مصاص الاوريو

بسكويت أوريو غرزت فيه عود أيسكريم ملون وغمسته في شكولاته ملونه وزينته بالسباركلز الكبير


وربطت فيها شريطه

كاسات حلى من راسي والله أني ناسيته اللحين هههههه




وقدمت معها صينية المقالي هذي

فكرتها بيسطه وروعه


طبعا ورق العنب في كاسات

المقالي شكيتها في عود الشوي وزينتها بطماطم صغير ونعناع


وطبعا كنت فارشه تحتها زي الاوراق الصناعيه مخصصتها لفرش تحت الفطايرر والمقالي


وهي نفس المقالي الموجوده في ملف التفريز





الثانيه

التريفل

أول شي بنسوي الغاناش، و اللي بيكون قلب الترافيل



بنحتاج:

شوكولاته ألواح نوعية جيدة، طبعاً نقطعها قطع صغيرة (أنا فرمتها بالسكين) و نقيس منها كوب و نص

أنا استخدمت milk chcocolate، و ممكن تستخدمون الغامقة للي يحب الطعم المر للشوكولاته
نص كوب كريمة
3 ملاعق كبيرة زبدة
ملعقة كبيرة كورن سيرب، و هذي صورته
أول شي نجيب صحن كبير و عميق، و نحط فيه الشوكولاته اللي قطعناها، بعدين ناخذ باقي المقادير
(الكريمة و الزبدة و الكورن سيرب) و نحطهم في قدر صغير عالنار...

نسخن المقادير مع التحريك لحد ما تذوب الزبدة تماماً، و أول ما يبدأ يطلع فقاقيع على جوانب القدر،
نرفعه على طول... يعني ما نتركه يغلي! بس نسخنه إلى قبل درجة الغليان...
بعدين نصبه في الصحن فوق الشوكولاته، و نتركه لمدة دقيقتين بدون تحريك...

بعدين نحركه زين و نتأكد إن الشوكلاته اندمجت مع مقدار الكريمة... و يتكون لكم شوكولاته كريمية ثقيلة نوعاً
ما...


ندخل الصحن الثلاجة، أقل شي لمدة ساعة، و إذا خليتوه وقت أكثر يكون أفضل بعد...
لما تطلعون الصحن، بتكون الشوكلاته متماسكة لما تلمسونها باصبعكم... لكنها بنفس الوقت طرية...
هذا اللي نسميه الغاناش!
الحين نجهز صينية و نفرشها بورق الزبدة، و ناخذ مقدار كورة صغيرة من الغناش و نكورها بيدنا بسرعة
و نحطها بالصينية... أنا استخدمت محفرة البطيخ عشان تعطيني حجم واحد و متساوي لكل القطع...



طبعاً بتلزق في يدكم، عادي ما في أي مشكلة، بس انتوا حاولوا تشتغلون بسرعة عشان لا تفقد قطع
الغاناش برودتها و تسيح مع حرارة اليد و الجو... لكن إذا صار التحكم فيها صعب، رجعوا الصحن الثلاجة
أو الفريزر لين يتماسك و بعدين كملوا مرة ثانية...

لما تخلصون الكمية كلها، دخلوا الصينية الثلاجة لمدة نص ساعة عشان تتماسك، أو الفريزر لمدة 10 دقايق
إذا مستعجلين...


نطلع الصينية من الثلاجة، و نجيب مغرفة آيسكريم صغيرة أو ملعقة القياس أو أي ملعقة تكون عميقة و واسعة
شوي، نغط الملعقة في الشوكولاته السايحة، و بعدين نرفعها و نقلبها عشان نتخلص من الزايد، و ناخذ قطعة
من الغاناش و نحطها بوسط الملعقة و بسرعة باليد الثانية نبدأ نلفها لين تتغطى بالكامل بالشوكولاته...


لما نخلص الكمية نتركها مكشوفة بحرارة الغرفة لمدة ساعة، بعدين نقدر نحتفظ فيها في علب بلاستيك ضاغطة
للهوا، و ندخلها الثلاجة... و ممكن تحتفظون فيها بالثلاجة إلى أسبوع... لكن قبل وقت التقديم تطلعونها تصير بحرارة الغرفة أول...

وكرات الكيك المغطاه بالشكولاته البيضاء

طبعا زينت أعوادها بورد صناعيه صغير

الثالثه

نفس الشي كرات الكيك بس موديل جديد هههههه

زينتها بشكولاته الملونه والسكر الذهبي

اللي جنبه بعد حلى من راسي بسكويت الداجستف حطيته في صنية السيلكون الهرميه


وزبنته بخطوط من الشكولاته الملونه والنجوم الذهبيه اللي هي قابله للاكل طبعا




الرابعه




صينيه بيتفورات ومعمول وغريبه

( معمول )

المقادير :3 كاس دقيق + كاس زبده مذابه في حرارة المطبخ + بيضه
+ ملعقه كبيره خميره + 3ملاعق كبيره سكر مطحون + بيالة ونصف ماء
او ثلث كاس + حبة سوداء وسمسم حسب الرغبه
الطريقه :
يفرك الدقيق بالزبده ثم تخلط بقية المقادير في الخلاط وتضاف على الدقيق
والزبده وتعجن حتى تكون متماسكه وتترك لترتاح ساعه الا ربع
تفرد بشكل مستطيل
ويقطع شرائح طويله
ويوضع على كل شريحه القليل من التمر بالطول
وتلف على التمر ونعمل نفس الطريقه بالشرائح كلها
تظغط قليلا بالمرقه حتى تفرش قليلا
ثم تقطع بشكل مايل
وتصف في الصينيه
تدهن باصفار البيض وتزين بالصنوبر
وتدخل الفرن حتى تتحمر من الاسفل ثم من الاعلى قليلا


غريبه

المقادير /

[ كوب سكر بودره .. 1/2 2 اصبع زبده بدرجة حرارة الغرفه ]..

[ 3/4 2 كوب دقيق .. 1/2 ملعقه صغيرة كنج بودر ]..

.. 1/2 ملعقه فانيليا ..

للتزيين : فستق

الطريقه /


1- يخلط السكر والزبده والفانيليا بالخلاط حتى تمتزج ..

2- يضاف الدقيق ويعجن باليد حتى تصبح لدينا عجينه ملساء ..

3- نقسم العجين إلى دوائر صغيرة ونضغطها ضغطه خفيفه ونزينها بحبة الفستق ..

4- ندخلها الفرن الساخن وبالرف الوسط ودرجه الحرارة 180 لمدة 10 دقائق او اقل ..

5- تترك تبرد ثم تقدم ..





بيتيفور

المقادير


[ 2 أصبع زبده لينه .. بيضه ]..

[ 1ملعقة صغيره فانيليا .. 3/4 1 كوب دقيق ]..

[ 1/2 كوب سكر ناعم ..

الزينه :

[ مربى .. فستق مطحون ]..


الطريقه /



1- تخلط الزبده والسكر بخلاط الكيك حتى تصبح مائله للبياض ..

2- تضاف البيضه والفانيليا ويخلط .. ثم يضاف الدقيق بالتدريج ويقلب بملعقة خشب ويكون الخليط شبه سائل ..


3- توضع العجينه في قمع تزين بلح الشام وتشكل ..

4- يسخن الفرن على حرارة 180 وتوضع الصينية على الرف الاوسط .. لمدة 10 دقائق او حتى تتحمر قليلاً ..

5- تترك لتبرد ثم تدهن بالمربي على الوجه الاخر وتلصق كل قطعتين مع بعض وايضاً تدهن الاطراف وتزين بالفستق المطحون ..



الخامسه

كان فيها تارت الشكولته بالكاراميل
وكرات الكيك اشغلتكم فيها من حبي لها ابدع فيها هههههه

تارت الشوكولاته بالكراميل

والمقادير

اصبع زبده بحراره الغرفه
كاس دقيق
م ك كاكاو بودره
2 جبن مثلث او كيري

افركيها زين وراح تكون زي فتات الخبز اجمعيها
وكوريها كور صغيره ولبسي القوالب
وخرميها بالشوكه وخليها في الثلاجه تبرد شوي
في الفرن 7 دقايق على درجه عاليه

ثم خليها تبرد تماما علشان لا تتكسر وانتي تطلعينها
م صبي وسطها شوي توفي
وفي القدر
ربع كاس كريمه خفق
نص كاس حبيبات هيرشي لما تغلي وتتمازج صبي فوق التوفي
وزينيها بخطوط الشوكولاته